Erminio Gennaro Dicembre 2017
Bagài! A m’sà riàcc an’ótra ólta a Nedàl e ‘n ótr’àn l’è sgulàt an vià ‘mè ‘n fülmen. Pòta, ringrassièm al Signùr che m’sà ché amò a ‘sto mund e che m’ragiuna amò co ‘l nòst có. Tirém inàcc co la òia de fà, e de fà del bé. L’impurtànt l’è alméno de mìa fà dan e circà di tirà ‘nsèma vergót de bù. Grassie a töcc i amìs de “Treì Amarcòrd” per tüte i ròbe bèle ch’i à scriìt, per i fóto ègie e nöe de Treì.
Auguri de tanta pàas, de tanta salüt e che ‘l dumiladesdòt a l’sìes slanciùs e l’va pórte ‘n carèt de sudisfassiù a vóter e a töcc chèi che ga urì bé.
Erminio Gennaro : Alura, sccècc! Virginio Monzio Compagnoni a l’ma dumanda: “ho scriìt giost?”,nò l’à pròpe mìa scriìt giõst, perchè a l’gh’éra de scriv: “ó scriìt giöst?
Anche a Bruno Frigerio a l’gh’éra de scriv: “A l’gh’à mìa tép de petenà i bàmbule”; per i óter erùr, lasém pèrd! Vóto finàl per töcc: 10 lode! … l’è Nedàl!
Grassie a töcc i amìs de “Treviglio Amarcord” per i auguri ricambiàcc; grassie a té, Mandelli Mariella, per al bèl angiulòt ca l’è ‘n bal a sunàga al Signùr,ansèma a tata zét, ansèma a tate àngioi che i sa vèd mìa perchè i è scundìcc dedré a i piante; e a mé ‘ntàt ma par pò de sènt al baghèt ca l’suna ‘n pièssa e l’passa ‘n di cantù, e l’và ‘n di curtìi, antàt che la nèbia pò stanòcc la brassa sö amò ‘na ólta Treì.
Cuntéta Maria Angela Crespi?
Ta gh’ét nustalgìa de la górga de Treì? A mé l’è quarantassèt àgn che la ma düra!
Da un post del Gruppo Facebook Treviglio Amarcord
